ഹൈഡ്രേഞ്ചിയ - ലാജോ ജോസ്

          ലാജോയുടെ ഹൈഡ്രേഞ്ചിയവായിച്ചു.മലയാള നോവൽ നിരയിലേക്ക് ഇതാ പുതിയ ഒരു കുറ്റാന്വേഷണ നോവൽ കൂടി നമുക്ക് കിട്ടിയിരിക്കുന്നു.ഏതൊരു വായനക്കാരന്റെയും വായനയിലെവിടെയെങ്കിലും നല്ലൊരു കുറ്റാന്വേക്ഷണ നോവൽ കടന്നുപോകാതെയിരുന്നിട്ടില്ല. ഒരു പക്ഷെ മിക്കവരും വായന തുടങ്ങിവെക്കുന്നതും ഇത്തരം കുറ്റാന്വേക്ഷണ നോവേലിൽകൂടിയായിരിക്കുകയും ചെയ്യും. 
           മലയാളത്തിലേക്ക് അവസാനം ലഭിച്ച കുറ്റാന്വേഷണ നോവലിൽ മികച്ചത് ബെന്യാമിന്റെ മഞ്ഞവെയിൽ മരണങ്ങളാണ്(എന്ടെ മാത്രം അഭിപ്രായം ).കുറ്റാന്വേക്ഷണ നോവലുകൾ മിക്കതും പരാജയപെട്ടുപോകുന്നത് വായനക്കാരനിൽ ഉദ്വേഗം ജനിപ്പിക്കാൻ കഴിയാതെ പോകുന്നു എന്ന ഒറ്റകാരണത്താലാണ്.ആ പോരായിമ ഈ നോവലിൽ ലവലേശമില്ല,കൂടാതെ നല്ല ഉള്ളടക്കവും എടുത്തുപറയേണ്ട ഒരു കാര്യം തന്നെയാണ്.എസ്തര്‍ എന്ന അന്വേഷകയ്ക്ക് അനിതരസാധാരണമോ അമാനുഷികമോ ആയ കഴിവുകളൊന്നും പുസ്തകത്തില്‍ എഴുത്തുകാരന്‍ നല്‍കിയിട്ടില്ല,അതുതന്നെയാണ് ഹൈഡ്രേഞ്ചിയയുടെ പ്രത്യേകതയും.മലയാള സാഹിത്യത്തിൽ വിരലിലെണ്ണാവുന്ന കുറ്റാന്വേക്ഷണ നോവലുകൾ മാത്രമേ ഉള്ളു.അന്നിലക്ക് കുറ്റാന്വേക്ഷണ നോവൽ വായന പ്രേമികൾക്ക് ഒരു നല്ല പ്രതീക്ഷ വെച്ചുപുലർത്താൻ പോകുന്ന തരത്തിലുള്ള എഴുത്തുകാരനെത്തന്നെയാണ് ഹൈഡ്രേഞ്ചിയയിലൂടെ കിട്ടിയിരിക്കുന്നത്....
             എടുത്ത് പറയേണ്ട ഒന്ന് രചനാശൈലിയാണ്.അതുതന്നെ ഒരു ആലങ്കാരികത നോവലിന് സമ്മാനിക്കുന്നുമുണ്ട്.മുൻകൂട്ടി പോലീസ് മേധാവിയുടെ ഔദ്യോഗിക ഈമെയിലിലേക്ക് കൊലപാതകത്തിന്റെ വീഡിയോസ് അയക്കുകയും യാതൊരു തെളിവുപോലും അവശേഷിപ്പിക്കാതെ കൊലപാതകം നടത്തി പോകുകയും ചെയ്യുന്ന സൈക്കോപാത്തിനെ എസ്തറിനൊപ്പം നോവൽ മുഴുക്കെ ഞാനും അന്വേഷിച്ചു.കൊലചെയ്യപ്പെടുന്ന എല്ലാ സാഹചര്യങ്ങളിലും ഹൈഡ്രേഞ്ചിയ പൂക്കളുടെ സാനിധ്യം വായനക്കാരനിൽ അമ്പരപ്പുണ്ടാക്കും.ഒരുതവണയെങ്കിലും വീണ്ടും പിന്നിലേക്ക് വായിച്ചു നോക്കാൻ നമ്മൾ ബാധ്യസ്ഥനാകും,എന്തെങ്കിലും തെളിവുകൾ നമ്മൾ വിട്ടുപോയിട്ടുണ്ടോ എന്നതുതന്നെയാണ് പിന്നിലേക്കുപോകാൻ നമ്മളെ പ്രേരിപ്പിക്കുന്നതും.
                   ഒരു സങ്കൽപ്പത്തിനപ്പുറത്തേക്ക് വായനക്കാരനിൽ യാഥാർഥ്യബോധത്തിന്റെ വിത്തുപാകാൻപോന്ന തരത്തിലുള്ള രചനാതന്നെയാണ് എഴുത്തുകാരൻ ഹൈഡ്രേഞ്ചിയയിലൂടെ നടത്തിയതിയത്.അതിൽ ലാജോ ജോസ് വിജയിക്കുകയും ചെയിതു.നല്ല എഴുത്തിനു പ്രത്യേക നന്ദി.....