സുസന്നയുടെ ഗ്രന്ഥപുര-അജയ് പി മാങ്ങാട്.

അജയ്‌ പി മാങ്ങാടിന്റെ ആദ്യനോവൽ സംരംഭമാണ് "സുസന്നയുടെ ഗ്രന്ഥപുര "എന്ന ഈ 

  നോവൽ.ഏതൊരു വായനക്കരണനും ആത്മഹർഷം നൽകുന്ന പ്രക്രിയകൂടിയാണ്.ഒരു പക്ഷെ മറ്റൊരുവായനക്കാരന് മാത്രം മനസിലാകുന്ന തരത്തിലാണ് വരികളുടെ രീതി.അത് വായനയിലുടനീളം കാണാൻ കഴിയുകയുംചെയ്യും.
     " ഒരാൾ എഴുതുമ്പോൾ ഒരിക്കൽ താൻ വായിച്ച എന്തിന്റെ ഒക്കെയോ ആഹ്ലാദം പങ്കുവെക്കാനാണ് അയാൾ നോക്കുന്നത് " എന്ന ഈ നോവലിലെ വരി എത്രകണ്ട് ശരിയാണ്.അത് ഈ നോവൽ വായിച്ചു കഴിയുമ്പോൾ ഓരോരുത്തർക്കും  മനസിലാക്കാൻ കഴിയും.ആമുഖത്തിൽ തന്നെ എഴുത്തുകാരൻ പറയുന്നുണ്ട് ' ഞാൻ വായിച്ച പുസ്തകങ്ങൾക്കും അറിഞ്ഞ മനുഷ്യർക്കുമുള്ള ആദരമാണീനോവൽ '.ഒരു എഴുത്തുകാരൻ എന്നതിലുപരി നല്ലൊരു പരന്ന വായനക്കാരൻ കൂടിയാണ് അജയ് പി മാങ്ങാട്. 
       നീലകണ്ഠൻ പരമാര എന്ന എഴുത്തുകാരന്റെ അവസാനത്തെയും അപ്രസിദ്ധികൃതവും അപൂർണവുംആയ " വിഷാദത്തിന്റെ ശരീരഘടന " എന്ന നോവൽ അന്വേഷിച്ചു അലിയും അഭിയും നടത്തുന്ന യാത്രയും മറ്റുമാണ് നോവലിന്റെ ഇതിവൃത്തം...എഴുത്തുകാരുമായോ നോവലുമായോ പരസ്പരം കണ്ണിചേർത്ത് എഴുതിയിരിക്കുന്നത് വിരസത ഇല്ലാതെയാണ് അതിനൊക്കെയും അപ്പുറം ആർക്കും ഒന്നും പൂർണമായും വായിച്ചെടുക്കാൻ കഴിയാത്തതരത്തിലാണ് സുസന്നയെ അജയ് പി മാങ്ങാട് സൃഷ്ടിച്ചിരിക്കുന്നത്.അതെ ഇന്നും വായിച്ചു തീർക്കാൻ  പുസ്തകങ്ങളുള്ള ഒരു ഗ്രന്ഥപ്പുരകണക്കെ.ധാരാളം 
       പുസ്തകങ്ങളും എഴുത്തുകാരും കഥകളും അനുഭവങ്ങളും സങ്കൽപ്പങ്ങളും ഉൾക്കൊള്ളിച്ച ഈ നോവൽ വായനക്കാർക്ക് പുതിയൊരനുഭവമായിരിക്കും